Тамын диваажин

Ивагакүрэ тосгоны хүйтэн, цэвдэг гэдгээрээ цуутай нинжа "Хөндий" хочит Габимарү тосгоныхоо нинжа нарын урхинд орж цаазын ялтан болжээ. Алах, урвахаас залхсан тэрээр үхэхийг хүссэн ч цаазын ямар ч арга нөлөөлсөнгүй. Чадварлаг алуурчин байсан түүнийг зөөллөж чадсан эхнэр дээрээ очих хүсэл түүнд амьдрах шалтгаан болж байсан нь тэр аж. Цаазлагч Асэмон түүний энэхүү байдлыг үзээд нэгэн саналыг тавив. Японы өмнөд хэсэгт орших арал руу явах эрлийн багт нэгдэж мөнхийн усыг олж ирэн цаазын ялаас өршөөгдөх. Харин тэр арал нь жирийн нэгэн арал биш "Диваажин" гэгддэг нууцлаг зүйлсээр дүүрэн арал. Габимарү тэрхүү хачирхалтай арал руу явах цаазын ялтай хүмүүсээр бүрдсэн эрлийн багт нэгдэхээс өөр аргагүй хоцров. Тэд учирч болох бүхэнд бэлэн байж зорилгодоо хүрч чадах болов уу?